ஷார்ம் எல் ஷேக்: ஐநா பருவநிலை மாநாடு (UNFCCC - COP 27) எகிப்தின் ஷார்ம் எல் ஷேக்கில் நவம்பர் 6ஆம் தேதி தொடங்கியது. வரும் 18ஆம் தேதி வரை நடக்கிறது. இந்த மாநாட்டில் பங்கேற்கும் இந்திய குழுவுக்கு மத்திய சுற்றுச்சூழல் துறை அமைச்சர் பூபேந்திர யாதவ் தலைமை வகித்து வருகிறார். இன்று (நவம்பர் 15) இந்தியாவின் தேசிய அறிக்கையை வெளியிட்டார்.
அப்போது அவர் கூறுகையில், ஓராண்டுக்கு முன் கிளாஸ்கோவில் நடந்த பருவ நிலை மாநாட்டில் பிரதமர் நரேந்திர மோடி, 2070-க்குள் ஒட்டுமொத்தமாக கரியமில வாயு வெளியேற்றத்தை தடுப்பது இந்தியாவின் நோக்கம் என்று அறிவித்தார். அந்த அறிவிப்பு நாட்டின் முக்கியமான பொருளாதார துறைகளில், குறைந்த அளவு கரியமில வாயு வெளியேற்றத்திற்கான பணிகளை மேற்கொள்ள உதவியது.
-
Participated in LeadIT Summit, an annual event India co-chairs along with Sweden, since the start of this important initiative in 2019, to set the agenda for global conversation on industry transition. pic.twitter.com/c19KJ5uygo
— Bhupender Yadav (@byadavbjp) November 15, 2022 " class="align-text-top noRightClick twitterSection" data="
">Participated in LeadIT Summit, an annual event India co-chairs along with Sweden, since the start of this important initiative in 2019, to set the agenda for global conversation on industry transition. pic.twitter.com/c19KJ5uygo
— Bhupender Yadav (@byadavbjp) November 15, 2022Participated in LeadIT Summit, an annual event India co-chairs along with Sweden, since the start of this important initiative in 2019, to set the agenda for global conversation on industry transition. pic.twitter.com/c19KJ5uygo
— Bhupender Yadav (@byadavbjp) November 15, 2022
2030 பருவநிலை இலக்குகளின் அதிகரிக்கப்பட்ட லட்சியத்திற்கான அழைப்புக்கு மதிப்பளித்து இந்தியா 2022 ஆகஸ்டில் தேசிய தீர்மானகரமான பங்களிப்பை காலத்திற்கேற்ப மாற்றியுள்ளது. புதுப்பிக்கவல்ல எரிசக்தி, மின்சார போக்குவரத்து, எத்தனால் கலந்த எரிபொருள்கள், பசுமை ஹைட்ரஜன் போன்ற புதிய மாற்று எரிசக்தி முன்முயற்சிகளில் நாங்கள் ஈடுபட்டுள்ளோம்.
இந்தியாவால் தொடங்கப்பட்டுவரும் சர்வதேச சூரிய எரிசக்திக் கூட்டணி, வலுவான சர்வதேச ஒத்துழைப்பை வளர்க்க உதவுகிறது. உலகளாவிய நன்மைக்கு கூட்டுச் செயல்பாடு என்ற எங்களின் நெறிமுறைக்கு இது சான்றாக உள்ளது. 1.3 பில்லியன் மக்கள் தொகையைக் கொண்ட இந்தியாவின், ஒட்டுமொத்த கரியமில வாயு வெளியேற்றம் உலக பங்கில் 4 சதவீதத்திற்கும் குறைவாகும். இதில் வருடாந்தர தனிநபர் பங்கு உலகளாவிய சராசரியில், மூன்றில் ஒரு பங்காகும். இருப்பினும் இது தொடர்பான கடினமான முயற்சியை மேற்கொண்டு வருகிறது.
பாதுகாப்பான பூமி என்ற இந்தியாவின் தொலைநோக்குப் பார்வையின் மையப் பகுதியாக லைஃப்ஸ்டைல் (சுற்றுச்சூழலுக்கான வாழ்க்கை முறை) என்ற ஒரு சொல் மந்திரம் உள்ளது. இதனை சிஓபி-26-ன் எங்களது தேசிய அறிக்கையில், பிரதமர் மோடி முன்வைத்தார். இந்த லைஃப் இயக்கம், 2022 அக்டோபர் 20ஆம் தேதி ஐநா தலைமைச் செயலாளர் மேன்மை தாங்கிய ஆன்டனியோ குட்ரஸ் முன்னிலையில், பிரதமர் மோடியால் தொடங்கப்பட்டது.
உலகின் மிகுந்த செல்வாக்கு மிக்க ஜனநாயகம் மற்றும் வளர்ந்து வரும் துடிப்புமிக்க பொருளாதாரம் என்ற முறையில், உதாரணமாக இருந்து தலைமை ஏற்க விரும்பும் இந்தியா, தனிநபர், குடும்பம் சமூக அடிப்படையிலான செயல்பாடுகளுக்கு லைஃப் இயக்கத்தின் ஒரு பகுதியாக இருக்குமாறு உலக சமூகத்திற்கு அழைப்பு விடுக்கிறது.
ஒரே பூமி, ஒரே குடும்பம் , ஒரே எதிர்காலம் என்ற குறிக்கோளுடன் 2023ஆம் ஆண்டுக்கான ஜி20 அமைப்பின் தலைமைத்துவத்தை இந்தியா ஏற்றுள்ளது. மனிதகுலத்திற்கு பாதுகாப்பான புவிக்கோளை நோக்கிய நமது பயணம் எந்தவொரு நாடும் தனியாக செயல்படமுடியாது என்பதைக் காட்டுகிறது. சமத்துவம் மற்றும் பருவநிலை நீதியை நமது வழிகாட்டும் கோட்பாடுகளாகக் கொண்டு இந்தக் கூட்டுப்பயணம் இருக்கட்டும்.பருவநிலை மாற்றத்திற்கு எதிரான போராட்டம் இந்த உலகத்தை ஒரே குடும்பம் என்பதாக ஒன்றுபடுத்தும் என்று நாங்கள் நம்புகிறோம் எனத் தெரிவித்தார்.
இதையும் படிங்க: உக்ரைன் போரை ராஜதந்திரம் மூலம் முடிவுக்கு கொண்டுவர வேண்டும் - பிரதமர் மோடி
